დღე ოთხი

დღევანდელი დღე დაიწყო ერთმანეთის საკვანძო შეკითხვების განხილვით და შემდეგ საკუთარ გეგმაბში გადატანით. ჩემი პროექტის თემაა 'მარტივი, სრული, განგრძობითი' ( ეხება ინგლისური ენის გარამატიკულ დროებს) და შესაბამისი მიმართულების მიმცემი შეკითხვებია : 
ზოგადი კითხვა: რატომ არის ენა მნიშვნელოვანი საზოგადოებისთვის?
თემატური კითხვა: რა შემთხვევებში ვიყენებთ სრულ დროებს?

შინაარსობრივი კითხვა: რა დამხმარე ზმნები გვჭირდება აწმყო სრული დროის საწარმოებლად?

შემდეგ ვიმუშავეთ პროექტის შეფასების ფორმებზე. გავეცანით შეფასებების სხვადასხვა სტრატეგიებს და მათი გამოყენებით შევავსეთ ჩვენი პროექტის გეგმა შესაბამისი ინფორმაციით. 
ვისწავლეთ ასევე ბლოგში სურათების დამატება, ასევე ფონის და სათაურის შეცვლა.

დღე სამი

პროექტის მესამე დღეს განვსაზღვრეთ ჩვენი პროექტის მიზნები და ამოცანები, ე.ს.გ მიხედვით  მისაღწევი შედეგები და ინდიკატორები. ეს ინფორმაცია გადავიტანეთ ჩვენი პროექტის გეგმაში. ასევე, გავეცანით განახლებული ბლუმის ტაქსონომიას და 21-ე საუკუნის უნარების ლექსიკურ მარაგს. დავასრულეთ ბუკლეტის შექმნა. შემდეგ ვიმსჯელეთ ზოგად, თამატურ და შინაარსობრივ კითხვებზე, ვნახეთ შესაბამისი პრეზენტაცია და გავაკეთეთ გონებრივი იერიშის სავარჯიშო ამ კითხვების შედგენაზე. საშინაო დავალებად გვაქვს მოსაფიქრებელი ზოგადი, თემატური და შინაარსობრივი კითხვები ჩვენი პროექტისთვის.

დღე ორი

დღეს შევისწავლეთ ბლოგზე პოსტების გამოქვეყნება და კომენტარების გაკეთება. მშობლის ბროშურის გარეკანის გაფორმება შერჩეული თემისა და გადმოტვირთული ვიზუალური მასალის საშუალებით და შევავსეთ პროექტის გეგმის საწყისი ნაწილი. აკრეფილი ინფორმაცია შემდეგ გადავგზავნეთ საკუთარ მეილზე. ბოლოს რეფლექსია გავაკეთეთ მიმდინარე დღის შესახებ.

დღე ერთი

საინტერესო დღე - ტრენინგის დასაწყისი, ინფორმაციულად საკმაოდ დატვირთული,  გავეცანით რას წარმოადგენს ინტელის სასწავლო პროგრამა - პროექტებით სწავლება, ზოგადად გავეცანით სახელმძღვანელოს, მაში ჩატვირთულ მოდულებს, და უფრო კონკრეტულად შევჩერდით პირველი მოდულის დასაწყისზე. საინტერესო იყო 21-ე საუკუნის უნარ-ჩვევების, ასევე პორტფოლიოს ჩეკლისტისა და რუბრიკის, პროექტის მახასიათებლების გაცნობა. და რაც მთავარია, ვისწავლეთ ამ საჭირო დოკუმენტაციის საკუთარ პორტფოლიოში განთავსება.